فيس بوك !! سنتين بس
- حبيبتي انتي بس اصبري عليي سنتين بس !!
- حبيبي مستعدة نرجاك طول العُمر !!
- لاشنو طول العمر!! أنا قصدي اذا جاك واحد جاهز ( من مجاميعه ) وافقي عليه ومترجينيش ، انا منعرفش شن بيصير معاي ، وانتي عارفه اني نحبك ، بس منبيش نظلمك معاي .. انتي تستاهلي واحد احسن مني!!
- باهي حبيبي نرجاك سنتين !!
- انتي كنك مسكتي فيها الكلمة !! انا كان قصدي نقولك سنتين وانتي تزعلي لانهن واجد ونديروا عركة وتزعلي مني واديريلي بلوك وينتهي الموضوع ...
بعدين سنتين تعبير مجازي يعني اكثر من سنتين .. يعني زى اللي يقول لملك قرشين .. هو مش قصده قرشين قرشين .. قصده ان الشخص يلم فلووووووووس ...
نقولك احسن حل بيش نريحوا روسنا .. مترحينيش .. انا مش هنقدر نتزوج الفترة هذي .. مازلت نأسس في روحي.
وين اللي نبو نسموا ولدنا بوعجيلة والصغير فؤاد؟؟
وين اللي قعدت مسميتك بو بوعجيلة؟؟ وصحباتي يندهلي أم بوعجيلة؟؟
وين الحوش اللي فيه (فاير بليس) نقعدوا امصادرين بعضنا ونشربوا ميه ساخنة في مجات عليهن دبدوب ونغفى وانت تغطيني؟!!
وين كلامك " مفيش حد ياخذك غيري .. ونقتل من اللي يقرب شورك"
- اه يعني تبيني نقتل ونخش الحبس؟؟ تبي ادمريني انتي ؟؟
نحن لازم نسيبوا بعضنا ..... يلا تشاو
- وينك؟؟
- وين مشيت يابلوة؟؟
- يا بو بوعجيلة وينك؟؟
- الحق توا صار عليا وانا الغلطانة؟؟
- بو بوعجيلـــــــــــــــــــــــــــــــــــــــــــــــــــــــــــــــــــــــــــــــــــــــــــة!!
Sending failed
Facebook user
تعليقات
إرسال تعليق