أعزائي طلاب الشهادة الثانوية !!

أعزائي طلاب الشهادة الثانوية
صباح الخير جميعا! .. أما بعد..

سواء شاب أو بنت راه يجي في بالكم إن إذا بوك ولا أمك سكنوا عليك وكل شوي ( إقرأ ، إقرأ ) ويبوك تجيب درجة عالية ، معناها يبو منك حاجة؟!
تي لا ياغالي .. تي هم خلاص قروا وكبروا ومش فارقة معاهم .. ينقوا عليك علشان يبو مصلحتك انت !!

يعني امك لما تسهر وتتعب وكل شوي تخش عليك وعصائر وقهوة وكل مرة تقول اقرا .. وحاطتك في مدرسة واستاذ خاص طالع واستاذ خاص داخل .. مش علشانها !!
هى مش هينكتب اسمها انها ناجحه .. وفي وقت الامتحان هى شن دخلها ؟ تي أنت اللي بتمسك الورقة وتحل!!

كل القصة انها خايفة عليك وعلى مستقبلك .. هى مستقبلها انت .. وتبيك تصير حاجة كبيرة علشانك مش علشانها !!
ومتقولش أمي تكرهني وتضغط عليا .. يامتنح هى تضغط على نفسها مش عليك وهذا كله علشان خاطرك .. أملها الوحيد أنت .
متبيش حد يتشمت فيك ولا يحكي عليك .. لآن توا في بالعائلة وظيفة لشخص اسمها ( مراقب دراسة ونتائج نهائية )
هذا الشخص يكون قاعد ويرجى الامتحانات والنتائج .. علشان يحكي وتشمت .. وفلان ميقرش .. وفلانة قاعدة على الفيس بوك وعندها امتحانات .

بالله عليك متطيحش وجه بوك ولا امك .. وخليهم وقت اى شخص يسألهم على نتيجتك يقولها وهو راسه عالي ..
تي أقرا وفكنا من هالمرحلة !!

المشاركات الشائعة من هذه المدونة

جديد الجوكر .. و الأغنية دي حرام (Remix)

درنة مدينة الصحابة "القصة الحقيقية"