رد بالك تفضفض



احكيلي وفضفضلي .. انا اكيد هنسمعك .. واعتبر روحك تحكي مع نفسك وماعليك .. احكيلي كل شئ انت مش قادر تحكيه لاى شخص .. انا معاك وهنساعدك معنوياَ

اللي يحكيلك الكلام هذا رد بالك منه .. هذا واحد قاعد يقصقص فيك ويبي يصيد حاجة مهمة .. وبعد مايصيدها هيدفلك طاجين ماصارش بكل .. وكل اللي قلته له هتلقاه الوطن العربي كله هيعرفه .. وكل كلمة كتبته له هياخذها "سكرين شوت"
هتكتشف انك كنت تفضفض للشعب الصيني كله .. والكلام اللي تحكيه هيكون بث مباشر مع راديو مونتي كارلو

ردوا بالكم من شخصية (الدكتور النفسي) الجديدة اللي انتشرت في الفترة الاخيرة!!
في شخص مانعرفش قالي فضفضلي يازعيم .. انا شكيت بالموضوع!!
قلت خليني نسخن عليه شوي
المهم قتله والله ياغالي محتار .. عندي مبلغ كويس .. ومش عارف في شن نبي نشغله
قالي في حدود الكم ؟؟
- قتله في حدود الـ30 و 35 الف...
المهم صار يقترح علي في مشاريع وقصص

المهم ثاني يوم .. لقيت مليون رنة . و3 مليون مسج من شاب يبي مني 15 دينار .. يقولي : ياعمي جيب ال15 دينار وربي يبارلك في 30 الف

لقد وقعت بالفخ
ماتفضفضش الا لإمك ...
ملاحظة: مش الكل .. مش الكل .. مش الكل

المشاركات الشائعة من هذه المدونة

جديد الجوكر .. و الأغنية دي حرام (Remix)

حقيقة نتيجة 11-1 #ريال_مدريد_برشلونة !!