موتني ؟ هذه أخرتها



الآنسة المناضلة الرفيقه ( إليسا ) 
الدنيا صبح .. الله يصبحك على خير ،،
أما بعد ،، 

شن اللي تبيه بالضبط؟؟
انتي سيبتي كل الاغاني ( الوتـنية ) ومالقيتي الا اغنية ( موتني ) علشان تغنيها ؟
دورتي في ارشيف كل الاغاني .. ومالقيتيش الا ( موتني ) ؟
باهي كان غنيتي ( تاء تاء تانية .. شباكين بعلية ) !!

موتني ؟ موتني ؟ انتي تبي تموتيني ؟ تبي تجيبي اجلي ؟؟!
باهي الشاب اللي سجلك الاغنيه في الاستديو ،، ماقالكش : " انسه اليسا في مجال نشدد على حرف الطاء ياغاليه ارجوك"
ولا انتي سجلتيها في دارك بروحك؟ يعني شلة بنات دلوعات اقترحتوا اديروا اغنيه ؟؟؟  ==> نبصر

ماشي .. افرضي اليهود سمعوا الاغنية ،، كيف تبي تقنعيهم انك تغني في موطني؟
هيمسكوا كلمة ( موتني ) ويخشوا على ترجمة جوجل .. وتطع الترجمة ( kill me ) مثلا!!

هيقولوا البنت هذه تبي تنتحر ،، موتني موتني وراس امك ، اقتلني اقتلني ، اذبحني اخنقني !!
تي خليكي ع اجمل احساس بالكون و عايشالك احلى سنين ، و يا مرايتي ، احسنلك !! 

اوك .. نسألك سؤال شوي محرج ؟
شن كنتي لابسة وانتي تغني فيها؟! معقول بدلة جيش!!
ولا انا اصلا شن دخلني !!

ليش هو في اهم من ( الوتـن ) ...
تراب و تيـن الوتن عزيز و غالي !!




* اول مرة ادون باللهجة الليبية ومش هتكون الاخيرة بإذن الله *

المشاركات الشائعة من هذه المدونة

جديد الجوكر .. و الأغنية دي حرام (Remix)

درنة مدينة الصحابة "القصة الحقيقية"